رجعالى تانى
راجعه تانى تقولى بحبك .. بتطلب حبى من تانى
راجعه عاوزه من تانى تشترينى .. بعد ما بعتنى اولانى
راجعه تقول ماليش غيرك حد تانى .. متبقاش قاسى كفايه عليا زمانى
مفيش غيرك قدامى .حبيتك ولسه بحبك.وعلشان كده رجعتلك من تانى
صدقنى مروحتش يوم من بالى .. كنت فى تفكيرى ومعايا حتى فى خيالى
انت كل شئ بالنسبالى ..انا لسه نفسى تبقى حلالى
بتقولى محتاجة ليك معايا .. تنور حياتى من تانى
تعبت من غيرك كتير .. ورجعالك ياكل احلامى
نفسى تقبل تبقى جانبى .. تبقى حبى تبقى عشقى تبقى زى ما كنتلى اولانى
راجعه من تانى تقولى بحبك .. بتطلب حبى من تانى
راجعه عاوزة من تانى تشترينى .. بعد ما بعتنى اولانى
تصدقى كلامك جميل .. ياللى كنتى كيانى
بس للاسف انا محيتك من حياتى
انتى بالنسبالى موتى .. ومش هتحيي فى نظرى حتى يوم وفاتى
وبعدين انتى ليه راجعه تانى .. بعد كل اللى حصل عاوزانا نرجع من تانى
بعد ظلمك ليا وبيعك لحبى تفتكرى ان ينفع تانى
يرضيكى اظلم قلبى تانى زى ما ظلمته اولانى
تفتكرى ينفع بعد ما تختارى غيرى
تفتكرى ينفع.. بعد ما خليتى حياتى ضلمه وخليتى قلبى عليا قاسى
تفتكرى ينفع.. بعد ما اديكى حب وحنان وجزاتى تكونى نسيانى
تفتكرى ينفع .. بعد ما اعلى من شأنك واكبر من حجمك وجزاتى تكونى بيعانى
تفتكرى ينفع .. بعد ما تندمينى على معرفتك وخلتينى بسببك كتير بعانى
تفتكرى ينفع .. بعد ما اصدق حبك ووعودك ليا وفى الاخر كلامك يكون تسالى
تفتكرى ينفع
اما تقررى تنهى علاقتنا .. بعد وعودك ليا اللى كانت مطمنانى
تفتكرى ينفع
بعد ما تعملى المستحيل ع تكسبى حبى.. وفى الاخر تقوليلى اسفه السكينه كنت سرقانى
بعد ده كله عاوزانا نرجع تانى .. تصدقنى ان انتى زى قلبك الانانى
راجعه من تانى تقولى بحبك .. بتطلب حبى من تانى
راجعه عاوزة من تانى تشترينى .. بعد ما بعتنى اولانى
لو انتى مكانى ترضى نرجع ..ومن تانى على نفسك تأمنينى
طيب ايه رأيك نلعب لعبه حلوه تسليكى وتسلينى
اوعدك انى بحبك . وهفضل احبك .ومقدرش اعيش غير بحبك
وافضل اعشم كتير قلبك
واما تدينى الامان وتحبينى ومتقدريش تعيشى من غيرى .. وفجأه تلاقينى بعتك
واختار غيرك وغيرك يبقى مكانك ويتحرق قلبك ..وبعد فتره ارجع واقولك لسه بحبك
ونفسى تبقى جانبى .. ماليش غيرك انا عاوزك
ياترى ايه هيكون ردك ؟
هتوافقى نرجع .. ولاهتفتكرى حرقة قلبك
ممكن اسمع بصراحه ردك ؟
عارفه حتى لو انتى هتوافقى ..وتقررى تيجى على نفسك
انا بقى مش ممكن اوافق حتى لو كان هيحيينى حبك
وبقولهالك بصراحه
خلاص انا مش عاوزك .. وزى ما بعتينى زمان انا دلوقتى اللى بايعك
ومش مهم عندى ردك ..لانى مش هكون سامعك
وزى ما قولتلك انك بالنسبالى موتى ..وخساره فيكى اكون فاكرك
راجعه من تانى تقولى بحبك .. بتطلب حبى من تانى
راجعه عاوزة من تانى تشترينى .. بعد ما بعتنى اولانى
قلمــــــــــى وكلماتــــــــى
RAMY EL BAHRAWY